Çomlek me Patate dhe Polenta


300 gr mish (i prerë në kubikë mesatarë)
50 ml vaj ulliri (ekstra i virgjër)
1 degë selino
1 copë karotë
1 kokërr qepë
3 kokërr patate (mesatare)
2 kokërr domate (mesatare)
3 thelpinj hudhër
1 degë rozmarinë
2 gjethe sherebelë
150 ml verë e kuqe
100 gr ullinj të zinj
100 gr miell misri (i imët)
1 lt ujë
15 gr kripë

Përgatitja
1
Në një tigan kavërdisni mishin në vaj ulliri derisa të marrë ngjyrë.
2
Një një tigan tjetër kavërdisni qepët, karotat, selinonë dhe erëzat.
3
Bashkoni masët e dy tiganëve, hidhuni pak piper dhe shuajini me verën e kuqe.
4
Pasi të këtë avulluar vera, shtoni ujin derisa të mbulohet mishi me perimet.
5
Lërini të vlojnë për gati një orë në temperaturë të ulët.
6
Më pas shtoni domatet dhe patatet e prera në kubikë.
7
Lërini të ziejnë së bashku për 15 minuta.
8
Në një tigan tjetër zieni ujin me pak kripë, shtoni miellin e misrit duke e trazuar me telin e kuzhinës, për 1 minutë në temperaturë të lartë.
9
Vazhdojeni trazimin e polentës edhe 2 minutat e tjera, por duhet të ulni temperaturën.
10
Pasi ka arritur trashësinë e duhur, pra si një brumë petullash hiqeni nga zjarri dhe hidheni në pjatë.
11
Sipër saj hidhni çomlekun me patatet dhe erëzat dhe spërkateni me pak piper.

You must be logged in to post a comment Login